Tukin zingkar khan Fisheries Department Serchhip chuan District chhung khaw hrang hrangah kal kualin sangha khawitu  hnenah a thlawnin sangha chi an sem. 

Department thawktute hi District chhunga Circle hrangah hrangah insem darhin sangha chi hi an sem a, Department hnuaia inziak lut Sangha khawitu card neite hnenah a thlawnin an sem a ni. Sangha chi an sem chhuah hi Indian Major Carp (IMC) niin, a vaia an sem chhuah zawng zawng chu nuai 5.04  ani a, Serchhip Circle ah mi 325, Hrangturzo Circle ah mi 209, Thenzawl Circle ah mi 110 leh Tuikum Circle ah mi 104 te hnenah an sem a ni. 

Hetianga a thlawna sangha chi sem chhuah ani hi sangha khawitute chu an lawm hle a, Pu Hmangaihthanga, President Fishery Farmers Association, Serchhip Circle chuan sawrkar leh Fisheries Department a thawktute inpekna leh thawhrimnaah lawmthu a sawi a ni.