Urban Development & Poverty Alleviation Department chuan vawiin khan  Zawlbuk,Thakthing -ah an hnuaia NLUP 3^rd & 4^th Phase beneficiary 595 te hnenah tanpuina last installment an sem a, Aizawl South-II bialtu MLA, Parliamentary Secretary ni bawk Lt. Col. Z.S. Zuala’n he hun hi a hmanpui.

NLUP semna hun hmanpuitu Lt. Col. Z.S. Zuala chuan retheite dawmchhuahna tura sawrkar hmalakna lian ber zar zo tute chu an sum dawn dik tak leh tangkai thei ang bera hmang tura fuihin, NLUP hlawhtlinna chu anmahni chung liau liau a innghat a ni a ti. Sawrkar chuan hmasawnna kawng hrang hrang chak taka kalpuiin ei leh bar intodelh na tur te, mipui mimir mamawh phuhrukna kawng tinreng a tan a lak te hi tawiawm thiam a thawhpui thin turin mipuite a sawm a ni.

Vawiin a NLUP tanpuina dawngtute hi Aizawl East-II, Aizawl South-I, Aizawl South-II, Aizawl West-II, Aizawl West-III cluster ami te an ni a, beneficiary awm zat chu a hnuaia table ah hian tarlan a ni.

Vawiina tanpuina dawngtu te hi Automobile Repairing, Beauty Parlour, Electronic Repairing, Hair Cutting, Knitting, Leather & Hood Works, Shoe repairing leh Tailoring Trade thlangtu te an ni a, tihian UD&PA Department hnuaia NLUP 3^rd leh 4^th Phase beneficiary zawng zawng ten an sum hmuh tur an dawng kim vek tawh a ni.