3397/2024-2025

Dated Aizawl, the 6th December, 2024: Vawiin chawhma dar 10:30 khan Fisheries Department changtu Minister Pu Lalthansanga hovin Directorate of Fisheries Committee Room-ah Department Mid-term review neih a ni.

Review meeting-ah hian Khuallian Minister Pu Lalthansanga chuan thu sawiin, Fisheries Department chu Mizoram intodelhna kawnga dinhmun pawimawh tak luahtu a nih thu a sawi a. Sawrkarin Bana Kaih a kalpui mekah pawh mipui tam tak tluk luhna Department an ni tih tarlangin, a phute chauh Sawrkarin Department kaltlanga a dawmkan theih nana thawhpuiah Department mi leh sate chu a sawm a. Sawrkar laipui pawhin Mizoram dinhmun leh hmarchhak State-te chin chu an hre hle tih sawiin, Department hotute chu tih takzetna nena hna thawk chhunzawm zel turin a chah a. Mid-term review chu inenfiah nan leh hmasawnna atana hmang tangkai ngei tura fuihin duhsakna a hlan nghal bawk a ni.

Vawiina review meeting neih hi Pu H. Lalengmawia, Commissioner & Secretary, Fisheries Department chuan kaihruaiin, Director Pi Laltleipuii chuan Department chanchin tlangpui leh hnathawh dante bakah hmalakna kal mek leh hmachhawpte a tarlang a. He hunah hian District Fisheries Development Officer (DFDO) zawng zawngte bakah Directorate leh Administrative Department lama Officer-te kim takin an tel a ni.

Meeting-ah hian Fisheries Department scheme lian ber Prandhan Mantri Matsya Sampada Yojana (PMMSY) kaltlanga hlawhtlinna leh hnathawh mek bakah hmachhawpte sawi ho niin, sawrkar flagship programme Handholding Scheme-a hmalaknate leh a hlawhtlin theih ngeina tura hmalak dan turte sawi ho nghal a ni.

Fisheries Department chhinchhiah danin tun dinhmunah Department hnuaiah hian Sangha khawitu Fish Farmers 19,809 awm mekin, Sangha dil hectare 5888.08 vela zau a awm mek a ni.