3396/2024-2025

Aizawl the 6th December, 2024 : Ministry of Consumer Affairs, Food and Public Distribution, Government of India chuan 05.12.2024 khan ‘Anna Chakra’ platform Public Distribution System (PDS) Supply Chain tih changtlunna, him zawk leh man man zawk a buhfai phurh kual (transportation) theihna tur platform – Route Optimization tool chu a tlangzarh a ni a. 'Anna Chakra’ tlangzarhna programme ah hian Mizoram chu India rama route optimisation chungchanga hma la tha ber leh ti chak ber pawl kan nih thu sawi lan a ni a. He programme ah hian Mizoram Sawrkar chuan buhfai phurhna kalkawng siam rem (route optimisation) leh a kaihhnawih a chawimawina “Commendation for Successful Implementation of PDS Supply Chain optimisation” a dawng a ni.

Union Food & Public Distribution Minister tarlan danin Anna Chakra (route optimization tool/software) hi Department of Food & Public Distribution, Government of India leh World Food Programme (WFP) te thawh hona a siam a ni. Route Optimisation hi India rama State 30 ten an hmang tan tawh. Heng state zingah zingah hian Mizoram pawh a tel tawh a ni.

He chawimawina hi Mizoram Sawrkar aiawh in Pu Alexander V. Chongthu, Additional Residential Commissioner, New Delhi chuan Minister of Food and Public Distribution, Pu Pralhad Joshi hnen atang a dawng a ni.

Anna Chakra hian kum tin India ram puma buhfai phurh man senso thin chu Rs.250 crore vela titla hniam thin tawh tura beisei a ni. Hemi rual hian SCAN portal (Subsidy Claim Application for NFSA) pawh tlangzarh nghal a ni bawk.