3398/2024-2025

Dated: Mamit the 6th of November, 2024: Vawiin chawhma dar 11 khan I&PR Conference Hall, Mamit-ah “ Closing of 16 days campaign on Gender based violence & National Human Rights Day” hman niin Pi Carolyn LB Khiangte, Addl DC Mamit chu Khual lian niin hun a hmang. 

Pi Carolyn LB Khiangte chuan he hun a kalkhawmte hnenah chuan lawmthu sawiin program bengvarthlak tak a hmang thei chu lawmawm a ti thu a sawi a. Addl DC chuan gender based violence ti tlem tur a pawimawh ber te zing a mi chu chhungkua hi a ni a, chhungkaw inzirtirna tha hnuaiah chuan thil tha lo tam tak paltlang loin ralmuang takin kan awm thin a ti a. Tunlai khawvelah chuan a hmei a pa in kan tuar tlang a, nu ringawt ni loin pa te pawn an fapa te hmeichhia zah a chawimawi tur a fuih a tul  a, chhungkaw inkaihhruaina tha a pawimawh thu a sawi. Kan hun tam zawk min hmanpuitu kan zirtirtu te hi an pawimawh em em a, kan tu leh fate tan a sulsutu an nih angin thlamuang tak a awm thei turin hma lak zel a tul tih a sawi bawk. 

Vawiin hun hi Pi VL Remruati Hmar, District Mission Coordinator( DHEW) chuan a kaihruai a. Pu Zoramthara,District Functional Specialist(skills) chuan MzSRLM hnuaia schemes pawimawh tak tak inhrilhhriatna hun a hmang a, Pi Lalenkawli, Programme Officer,JHpiego chuan gender based violence chungchangah hun a hmang a. Awareness Campaign puala buatsaih Poster inziahsiak lawmman semna neih nghal niin Lawmman pakhatna hi Immanuel Lalrawngbawla, DIET, Pahnihna Isak VL Chanchinhrila, Mizofed, leh Pathumna hi Lalruatliani, PWD, Mamit ten lain pawisa fai leh lawmpuina thuziak  an dawng a ni.

Vawiin kharna inkhawmah hian Mamit Chhunga WCD thawktu NGo, leh sawrkar Official telin mi 100 vel an kalkhawm a ni.

He hun hi District Hub for Empowerment of Women, Women & Child Development, Mamit buatsaih niin November ni 25 atanga hman tan a ni.