Vawiin chawhnu khan Fisheries Minister Pu K.Lalrinliana chuan Kolasib Khuangpuilama Fish Food Processing Centre, kum 2013 a sak tawh tun thlenga hman theihloh a la awm chu a hmunah kalin a enfiah.

Fisheries Minister hi Pu Vanlallawma, Jt.Director, Fisheries Department leh Pi C.Lalparmawii, DFDO, Kolasib ten lo dawngsawngin Khawl an hman theihloh chhan te an sawifiah a, Minister chuan sangha chaw ramdang atangin man to tak takin kan la lut reng a, mipuiin kan mamawh bawk si a, hetianga khawl bun tawh hmanloha a awm reng chu a tha ber lo a ni a ti a, hman theih a siam nghal a ngai a, a khawl hi tihnun a sangha chaw her chhin turin a hrilh a, hmang chhin phawt ila a nih tur anga kan hmang tangkai theilo anih chuan a tihdan kawng dang kan dap ang a ti a, Kolasib District a Fish Food Processing Centre awmna dang pahnih Bilkhawthlir leh Zawlnuam te pawh endik a tul thu leh anih tur anga hman anih theih nana ruahmanna siam a tul thu a sawi bawk.

Minister hian Fish Food Processing Centre a tlawh hnu hian Kolasib Project venga a department chan pakhat Supply Office leh staff quarters te a tlawh a, Supply office building leh staff quarters chhe tawh lutuk chu a vei thu sawiin thawktuten an harsatna te leh mamawhte a hnena an thlen te chu a theih ang ang a hmalak anih tur thu a sawi a ni.