Vawiin khan Sports Minister Pu Robert Romawia Royte chuan a biala sorkar hmalak mekna Dawrpui Multipurpose Centre a tlawh a,he hmunah hian Fitness Centre-cum-Gym changtlung tak din a nih tur thu a sawi.
Minister chuan “Mizote hi Hnam hrisel leh fit kan nih theihnan Mizoram Sorkarin hma a la mek a, Fit Mizoram Run pawh tan a ni tawh a,Taksa leh rilrua fit turin mimal,chhungkua,khawtlang leh Sorkar tanho a tul a.Chutianga tanhona hmang chuan Fitness Centre changtlung tak FitDawrpui Centre chu Dawrpui Multipurpose Centre-ah hian din a ni ang” a ti.
Tourism Minister nibawk Pu Romawia Royte chuan “Aizawl Hotels ah te Gym tha a awmloh avangin Khualzin tam takin harsatna an tawk a,an chhawr phak Aizawl laili a Fitness Centre tha tak neih hi a tul hle a ni. He FitDawrpui Centre-a Gym ah hian hmanrua changtlung tak tak leh qualified Fitness Trainers te awmin inbualna bakah chawlh hahdamna hmun te pawh siam tum a ni a, Physiotherapist leh Sports Doctor te pawhin a tul angin an vil ang a,Dawrpui Veng mai nilo Aizawl hmun hrang2 a mite pawhin Member niin an chhawr thei ang” a ti.
Dawrpui Khawtlang hruaitute zawhna chhangin Minister chuan Aizawl Civil Hospital compound-a Trauma Centre sak tur atan pawh Health Department-in sum an nei tawh a,an buaipui mek thu leh Dawrpui Indoor Basketball Centre sak tura ruahman pawh PWD ten an buaipui mek thu a sawi bawk a ni.
Dawrpui Multipurpose Centre a function tawite buatsaih hi Pu Lalrammuana Dawrpui Br YMA President leh Dawrpui Multipurpose Centre Committee Chairman-in a kaihruaia,Dawrpui Local Council hotute leh NGOs hruaitute bakah Pu Zothanmawia, Sports Director leh Pu C.Laltlanthanga Secy, Mizoram State Sports Council te an tel a ni.
