Mamit khawpui chhung faina atana hmalakna kalpui zel niin tukin zing khan Mamit Chhimveng leh New Mamit Village council huamchhung atana din thar Children Sanitation Club-te chuan vantlang hmun GSA Playground leh a chhehvel thianfaiin hnatlang an nei.

He hun hi Pi Laltharzeli, Ambassador SBM (G) PHED Mamit, Department of Drinking Water and Sanitation Ministry of Jal Shakti hnuaia Mizoram aiawha National Awardee (Women) chuan hovin faina kawnga hmala tura a penchhuahna kawngah a hlawkna a hmuh zel thu a sawi a, faina chu mitin mamawh changkanna leh hriselna a nih thu sawiin naupangte kan nih atanga kan rilruah fai duhna kan neih chuan midangte ah rahtha a chhuah ngei dawn thu a sawi a. Chhimveng leh New Mamit naupangte Children Sanitation Club dinthar an ni chunga phur tak leh chak tak maia naupang thahnem takte hnatlang tura thawkchhuak tute a hmuh chuan phurna a pek thu sawiin inzarah Mizoram District fai ber nihna kan hauh ngei a beisei thu a sawi bawk. 

Tukin Chhimveng leh New Mamit Children Sanitation Club hnatlangah hian naupang 300 chuang thawk chhuakin bawlhlawh a bawma chauh paih tura inzirtirna uar taka neih a ni a,  Pu J. Hrangdailova, Jt VC Chairman leh khawtlang nu leh pa thenkhatten hnatlang hi an tawiawm a ni