Tukin khan Mahatma Gandhi piancham vawi150-na lawmna denchhenin ram mipuite an lo hrisel zawk nana hmalakna chikhat Fit India Movement hnuaiah Directorate of School Education chuan ‘Fit India Plogging Run’ a huaihawt a, Fit India Plogging Run hi hmun hnih-Chanmari, Aizawl leh Kulikawn, Aizawl atanga tanin run-a telte hi Chanmari-ah Pu C.Hrangthuama, Joint Director (Secondary)-in a vailiam a, Kulikawn atangin PuLalhmachhuana, Joint Director (Elementary)-in a vailiam bawk. Plogging Run-a tel te hian kal leh tlan pahin bawlhhlawh Plastic hmanga siamte anchhar pah a, Secretariat Annex, Treasury Square-ah intawkkhawmin hetah hian Run-a telte bawlhhlawh chharte dahkhawm anih hnuah eitur te semin an tin nghal a ni.

Fit India Movement hi kumin August ni 29, rampuma infiamna pawimawhzia inzirtirna ni ‘National Sports Day’-ah khan ram mipuiten hriselna atana infiamna leh taksa sawizawi pawimawhzia kan lo hriat thara India chu ram hrisel anih ngei theih nan Prime Minister Narendra Modi chuan New Delhi-a Indira Gandhi Stadium-ah a hawng a ni.

Tukin a Fit India Plogging Run-ah hian School Education Department Officer te, sikul hrang hrang-Govt.Mizo High School, Govt Mizo HSS, Govt. KM HSS, Govt. Chaltlang HSS, Govt.Republic HSS, Govt. KVM High School, Govt.Kulikawn High School, Synod HSS, St.Paul’s HSS, Govt.Mamawii HSS leh Govt.J.L HSS atangin zirtirtu te leh zirlai te telin an vaiin mi1000 chuang an tel a ni.