Hmasawnna tur ruahmanna thingtlang  miten  an  in  siam  hi  an dikna chanvo a ni a, mipui tha tihchakna (empowerment) leh thuneihna  sem zaina (Decentralization  of Power) a ni. Chuvangin, kumin 2nd October- 31st December, 2019 chhung hian thingtlang khawtinin anmahni hmasawna tur ruahmanna ‘Ruahmanna Huapzo Mitin Tan Hmasawnna’ an siam theuh theih nan leh chu ruahmanna siamna kawnga mipuite an tel ve ngeina tura beihpui thlakna ‘People’s Plan Campaign (PPC) 2019’ chu ‘Ruahmanna Huapzo Mitin Tan Hmasawnna’ tih thupui hmanga neih leh tur a ni. Hemi hun chhung hian kum thar 2020-2021 atana in khawtlang leh mipuite hmasawnna tur ‘Ruahmanna Huapzo Mitin Tan Hmasawnna (Village Development Plan)’ siam tura beisei leh ngen in ni.

Hemi hun chhung hian thingtlang hmasawnna zirchianna ‘Mission Antyodaya Survey’ nei turin Facillitator/surveyor te an lo kal dawn a, theihtawpa tawiawma lo pui turin kan beisei bawk che u a ni.

He ruahmanna siam turah hian mitin huapzo hmasawnna tur, mipuite leh khawtlang mamawh dik tak, te lua awm lova telh tur a ni. Hlenchhuah ngei theih tur ruahmanna felfai ni thei se a  duhawm hle  ang. Tun kum atan bik hian India ram Prime Minister Pu Narendra Modi chuan Independence Day-a a thusawi ah ‘Plastic bawlhlawh’ ti tlem tura mipuite a sawm angin, plastic/polythene hman ti tlem tura campaign he hun chhung hian beihpui thlak tur a ni a, hriselna lam ‘fitness campaign’ pawh uar taka kalpui tur a ni ang. Kan ruahmanna siam turah hian Kum 2021 chhiarpui a Mizoram 100% ziak leh chhiar thiam (100% Literacy) kan nih theihna atan inruahman nise, faina leh thianghlimna kawnga hma kan sawn zel theih nan ruahmanna siam tel bawk tur a beisei a ni.

He campaign hi alo hlawhtlin ngei theih nan mahni khua theuh ah theihtawp chhuah turin kan in ngenin kan in chah a ni e.