School Education Department leh Health & Family Welfare Department tangkawpte chuan Children's Day leh World Diabetes Day pualin Fitness Run, November ni 14, 2014 khian an buatsaih dawn.

Vawiin khan hemi chungchang hi Pu B. Lalchhuanliana Director of School Education hovin Health Department aiawh leh School Education Department aiawh te thukhawmin, he hun atana ruahmanna te an thlir ho.

Fitness Run hi School naupang thlan bik ten hmun hnih: Chanmari kawn leh Sikulpuikawn atanga tanin A.R. Ground-ah an tlan lut dawn a ni. Fitness Run hi Chanmari kawn a Education Minister Pu H. Rohluna leh Sikulpuikawn a Health Minister Pu Lal Thanzara ten zing dar 6:30 AM ah an Flag off ang.

Chief Minister Pu Lal Thanhawla chuan he programme hi Lammual ah zing 7:30 ah hmanpuiin he function vekah hian Clean Mizoram Programme a hawng nghal ang.