Vawiin chawhma dar 11 : 00 am khan District Agriculture Office Complex Siaha-ah Siaha District a khaw pathum Phura, Kiasi leh Siasi khua te tan Tractor hlanna Programme “Flag-Off Programme of Agricultural Machinery for Custom Hiring Centres, Siaha District” Programme chu hman a ni.

He programme hmanna inkhawm hi Pu M.Lalsanglura Sailo, DAO Siaha District, Siaha chuan a kaihruai a, kal khawmte chawnglawmna thu a sawi bakah programme hman a nih chhan sawiin Leilet neitute hman tur Tractor dawng hmasa District kan ni chu vanneih thlak a tih thu leh Siaha District tan chuan Ni chhinchhiah tlak anih thu a sawi a, hetianga hun tha tak kan nei thei chu kan vannei hle ani ati bawk. Pu A.Lalhmachhuana, SDAO chuan Technical Report pe in Phura khuain an hman tur Tractor hi Rs 44,945.00 man anih thu leh Kiasi khua hman tur Tractor hi Rs 44,945.00 anih thu bakah Siasi khua hman tur Tractor chu Rs 48,739.00 man anih thu a sawi a.

Khuallian Pu N.Chakhai, Additional Deputy Commissioner, Siaha District chuan thu sawiin Mizoram sawrkar hmalakna a Leilet neitu ten Tractor an dawng thei chu lawmawm a tih thu sawiin a enkawl dan kawnga dan leh hrai hruaitu ten an zam sa te tha tak a zawm turin Leilet neitute chu a chah a, sawrkar hmalakna ti hlawhtling tura theih tawp chhuaha tan la turin a chah bakah tih tak takna thinlung pu a hna thawk turin a chah bawk. Mizoram sawrkar hian District tin mipui tam lama chhut in kan District hi min duhsak hle ani tiin Kuthnathawktute hi kan dinchhuah theih nan theihtawp in hma min laksaka heihi a ti hlawhtlingtu nih theuh i tum ang u ati ani.

He Tractor inhlanna ah hian Khuallian chuan Agreement Signed na-ah Withness ah tangin a hming a signed a, Ignition Keys, Operating Manuals leh Terms and Conditions te chu Custom Hiring Centre aiawh te hnenah Khuallian hian a hlan nghal a ni.

He mi hnu hian Phura, Kiasie leh Siasi khaw Leilet neitu aiawh ten thusawina tawi an nei a, Leilehna Tractor te hi Khuallian hian a vailiam nghal a ni. He programme hmanna ah hian Department hrang hrang hotu te Tlawmngaipawl hruaitu te leh Chanchinthar thehdarhtute an tel thahnem hle a ni.