532/2022-2023
Champhai, 18th May, 2022: Fostering Climate Resilient Upland Farming System in the Northeast (FOCUS) project hnuaia A.H & Vety. Department, Champhai ruahmannain nizan khan District chhunga khua leh veng hrang hrang 16 atanga Ar vulh tura thlan beneficiary mi 200 te hnenah tanpuina sem chhuah a ni.

Hamthatna dawngtute hnenah hian FOCUS project hnuaia Rural Backyard Poultry Farming kaltlangin Rainbow Rooster Ar note 20 theuh, a chaw, a chaw pekna leh tui peknate sem chhuah a ni.

Ar note hlanna hun DVO Pisa tuala neih hmanpuitu Dr. B.Lallawmsanga, District Animal Husbandry & Veterinary Officer (DAH&VO) Champhai chuan hamthatna dawngtute chu hlawhtlinna chang ngei tura theihtawp chhuah zel tur leh, scheme hlawhtlinna tak tak chu an kuta awm a nih anga thahnemngai taka thawk turin a fuih a. Harsatna an neih leh hriat duh an neihte mithiam zawkte zawh hrehlo turin a chah a ni.

Ar note te hi an hriselnate ngun taka enfiah a nih hnuah a dawngtu turte hnenah nizan khan hlan a ni.

Attachment

  • Loading attachment...