533/2022-2023
Pu C.Malsawmkima, District Agriculture Officer, Lunglei District Lunglei chuan vawiin Dt.18.5.2022 hian Vaimin chingtute tana hriattur thuchhuah a tichhuak.

· Kumin hian Agriculture Department chuan Lunglei District khaw hrang hrangah VAIMIM thar chhuak tam turin hma a kan la mek a.

· Hemi atan hian VAIMIM chi (Var Suraj-251) Quintal 395 chu loneitu 1975 te hnenah semchhuah a ni tawh.

· Heng VAIMIM te hi April thlaah tuhin tunah hian a to chho mek a, a to hlim zik thenkhatah eichhetu (Fall Army Worm) hmuh a ni.

· Fall Army Worm (FAW) hi kum hmasa lamah pawh nasa takin a puang a, theihtawp chhuahin a ven hna kan thawk a, hloh (loss) nasa lutuk lovin VAIMIM kan thar thei a ni.

· Kuminah pawh hian a rawn inlar tan leh avangin loneitu VAIMIM ching zawng zawng ten ngun taka eichhetu pangang awm leh awm loh thlir reng tur a ni. A zikah chhungrilah te a tawm thin avangin chik taka thlithlai thin tur a ni.

· A inthlahpun tam hmaa kan hriat chuan tihrem a awl a, a tam tawh hnuah ven sen a nih thin loh avangin thlai tan chhiatna nasa tak a thlen thei tih hriat a tha.

· A ven dan, damdawi leh mamawh te District Agriculture Office leh Block Agriculture Office Bunghmun / Lunglei / Lungsen ah lam theih reng a ni.

· Vaimim pangang control nan hmarcha densawm leh tui chawlhpawlh chu vaimim zikno chhungah leih tur a ni. Hmarcha densawm aiah hian sukhlo emaw surf emaw sahbawn pangngai a hman theih bawk.

· Hetiang VAIMIM eichhetu pangang hmu chuan a District Agriculture Officer ah emaw Block Agriculture Officer Bunghmun / Lunglei / Lungsen ah thlen vat turin kan inngen e.

· Rim taka I thawhrah te a riral mai loh nan i thlai te lo veng ngun ang che.