531/2022-2023
Aizawl, 18th May, 2022 : Pu Lalruatkima, I&PR, RD leh Revenue changtu Minister chuan vawiin khan NEIGHRIMS bul Mawkasiang, Shillonga damlo leh an awmpuitu te tana Mizoram Sawrkarin In a sak mek Patients' Lodge chu a hmunah a en.

Minister chuan Patients’ lodge cgu Mizoram atanga damlo, NEIGHRIMS pantute thlen leh chawlhna atana Mizoram sawrkarin a sak a nih vangin damlote tan pawha thlamuanpui tlak ni tura hna uluk a tul tih a sawi a, mipuite ta tur a nih avangin a tha thei ang bera sa turin contractor pawh a chah nghal a ni.

Patients’ Lodge sak nan hian cheng nuai 419,67 ruahman niin a satu contractor hi T. Thanzauva a ni a. A sakna tur sum first instalment cheng nuai 167.87 hi October ni 20, 2021 khan pekchhuah a ni.

Patients’ Lodge hi chhawng thum a sak tur a ni a, a building zau zawng hi 95 ft x 42 ft a ni.

Minister hian Shillong Mizoram House office leh buildingte tlawh nghalin thawktute nen inkawmhona an nei bawk a ni.