No.4977/2020-2021

Aizawl, the 11th September 2020 : Vawiin hi National Food Security Day a ni a, mahse Partial Lockdown avangin Food, Civil Supplies & Consumer Affairs Department chuan he Ni hmanna tur an lo duan lawk sa chu hman theih a ni ta lova, chuvangin National Food Security Day pualin a hnuai ami angin Press Note an siam.

 

National Food Security Act.2013 hi India ram puma hman theih turin 10.09.2013 khan pawm a ni a. India President-in a hming a ziah hnan ni chu 12.09.2013 niin he ni hi Central Sawrkar chuan 'National Food Security Day' ah pawmin kumin, 2020 hi he ni hman a nih hmasak berna ni a ni. National Food Security Act,2013 hi Mizoram-ah March ni 1, 2016 khan hman tan a ni.

 

He National Food Security Act, 2013 (NFSA) hnuaia hamthatna dawngtute hi chi hnih, Antyodaya Anna Yojana (AAY) leh Priority Households (PHH) awm in an ni hian man tlawm zawkin buhfai an dawng thei a, hetiangin:- 

 

SI.No.           Category

Scale

Price

1. AAY (Card Eng)

35 kgs. per family per month

Rs. 3/- per kg.

2. PHH (Card Hring)

5 kgs. per beneficiary per month

Rs. 3/- per kg

3. PHH (Card Hring)

Addl. 3 kgs per beneficiary per month (State SorkarPek)

Rs.15/- per kg.

4. Non-NFSA (Card Var)

8 kgs. per beneficiary per month

Rs. 15/- per kg

 NFSA,2013 hamthatna dawngthei tur zat hi Central Sorkarin Census-2011 population tlawhchhanin Mizoramah mihring 706296 thlan min phalsak a, (AAY bik dawng thei tur hian chhungkaw 26100 an phal bawk) hei hi total population atanga 64.73% a ni a, Veng/Khua malah Census-2011 population base-in Thingtlang(Rural)-ah 81.88% leh khawpui (Urban)-ah 48.60% thlan theih an ni.

 

Tun dinhmunah Mizorama NFSA beneficiary awm zat chu (as on 31.08.2020) PHH-ah mihring 613481 leh AAY-ah mihring 75958 awm mekin an vaiin mihring 689439-in he hamthatna hi an dawng mek ani. NFSA-in a tum ber, khawsak harsa zawk ten an puar khawp eitur pek pawh, chak takin Sorkar, Public Distribution System, Kudam, Fair Price Shop leh Thawktu zawng zawngte kaltlangin tihhlawhtlin a ni chhoh ta zel ani.

 

"One Nation One Ration Card" : Central Sawrkar in National Portability Scheme a kalpui mekah India ram chhunga NFSA beneficiary (Ration Card Eng leh Firing nei) ten khawi hmun leh khawi State atang pawha an Ration Quota, Ration Card hmanga an lak theih dan tur ruahmanna siamin hei hi 'One Nation One Ration Card' tiin a vuah a. Hemi tihlawhtling tur hian Mizoram Sawrkar pawhin theih tawp chhuahin hma a la mek a, he scheme tihlawhtling tura pawimawh ber chu Ration Card leh Aadhaar No. thlunzawm(link) a ni a, hei hi chak taka kalpui a nih mek lai hian tunlai hrileng (Covid-19) avang hian duh angin hna a kal chak thei lova, he hna hi zawhfel a nih hunah chuan duhna hmun hmun atangin (Internet connection a that phawt chuan) kan ration kan la thei tawh dawn a ni.