1812/2026-2027

Dated Lawngtlai, 15th August, 2026: Tukin zing dar 8: AM  khan Central Young Lai Association (CYLA) Play Ground, Chandmary-ah India Independence Day vawi 80 -na ropui taka lawm a ni a. Pu B. Lalchhanzova, Minister, Food Civil Supplies & Consumer Affairs, Lang Revenue & Settlement leh Information & Public Relations Department, chuan  khuallian niin a hmanpui.

Khuallian Pu B. Lalchhanzova  chuan  hnam puanzar pawtpharhin Parade Contingent-15 te chibaibuk a chhanglet a, Independence Day thuchah a sawi chhunzawm nghal  a ni.

Pu B. Lalchhanzova chuan Parade Contigent, Official, Independence Day lawm tura lo kal zawng zawng leh Lawngtlai mipuite chibai a buk a. District Catalytic Intervention Plan (DCIP) hnuaiah Lawngtlai khawpui chhunga hmun pakuaah “Road Signage’ ₹6,00,000 (nuai ruk) senga dah a ni a; Lairam Nursing School hnenah Computer set-10, Inverter-1,Projector-1 leh Screen—1 pek tawh a ni, a ti. Sangau PHC –ah X-Ray Building cheng nuai thum senga sak mek a ni a, bawlhhlawh paihna motor (TATA 610 SK Truck ) LADC hnena hlan tur leina tur sum sanction tawh a ni, a ti. Lawngtlai District- a Police Station- 5 ten  Mobile Patrolling an nei thin a, vawiin thlengin Opium-38.52 Kg; Heroin (NO-4) -4.99 Kg leh Methamphetamine- 1.796 Kg an man tawh a ni.

Bana Kaih kaltangin Loneitute an intodelha, leirem an rah theihna tur leh  man man zawka an thlai thar an hralh theihna turin sawrkar chuan Minimum Support Price-in heng Sawhthing, Hmarcha, Aieng leh Hmunphiahte hi a leisak thin a. Line Department kaltlangin Progress Partner - ten tanpuina tha tak an dawng mek zel a, hei hian hmalam hunah rahtha a chhuah zel a beisei awm a ni, a ti.

Khuallian chuan he ni  hlimawm leh chhinchhiah tlak takah hian India ramin zalênna a hmuh theih nâna an theihna zawng zawng hlantu pasalthate inpekna, huaisenna leh ram an hmangaihna hian chawimawi a phu hle tiin,  zahna chibai  a buk  a. Kum 80 chhunga India ramin hmasawnna tam tak a hmuhte chhinchhiah a, inpumkhatna leh inunauna nen, hmalam pan zel  turin Lawngtlai District- mipuite a sawm a ni.

Vawiin Independence Day vawi 80- na lawmnaah hian Parade Contingent 15 - Armed Contingent -1, Unarmed Contingent- 5 leh School Contingent -8 leh Brass Band- 1 an awm a. Parade Commander hi Inspector Mohan Prasad Dahal, 3rd IR Battalion, Thingkah a ni a; 2nd Commander hi Sub- Inspector Rajendralal Chakma, 3rd IR Battalion, Thingkah te a ni. 

Khuallian chuan Parade Contingent-te lawmman bakah zirna lama titha leh ruihhlo laka fihlima puan khuate hnenah thilpek a hlan a. Parade Contingent - te lawmman lak dan chu hetiang hi a ni:-

Unarmed Contingent :

Pakhat na - NCC Don Bosco School

Pahnih na -  Bharat  Scouts & Guides, Ngurnunsangi High School

Pathum na -  Bharat Scouts &  Guides, Don Bosco School

School Contingent :

Pakhat na - Jehova Jireh English School (Boys & Girls)

Pahnih na - Ngurnunsangi English School (Boys & Girls)

Pathum na - Don Bosco School  ( Boys & Gilrs)

Zirna lama titha te :

1. Lalzikpuii, DIET (5th Position D.El.Ed Exam 2025)

2. Allen Lalthanpuii, ANM (4th Position MNC Examination 2025 )

3. Ammy A. Lalthanzuali ANM (8th Position MNC Examination 2025)

4. Bethseby K. Zohmingliani ANM ( (9th Position MNC Examination 2025)

Drug Free District - hnuaia Ruihhlo laka fihlim a puan khua te :

1. Sangau - II

2. Sentetfiang

3. Tuithumhnar

4. Hmawngbu

5. Rulkual

6. Kamalanagar- I

7. Kamalanagar -II

8. Kamalanagar-III

9. M. Kawnpui

10. Bungtlang 'S' -I

11. Hmunnuam

12. Cheural

Badminton :

Under -  13 Boys

Champion - Amosa Rohluthara

Runner up - Isaac Lalruatfela

Under - 15 Girls

Champion - Mikeala Vanlalhruaii

Runner up-  Baby Malsawmhluzuali

50+ Mens Double

Champion - Lalremmawia & H. Samuel

Runner up - Laldinpuia & B. Lalrinsanga

Khuallian Pu B. Lalchhanzova chuan Independence Day Vawi- 80 na puala 'Football Tournament'  buatsaih a telpui nghal a. Football hmasawnna tura Lawngtlai District Football Association (LDFA) te hmalakna fakawm a tih thu sawiin, theihtawp chhuah zel turin a fuih a. Rilru leh taksa hrisel nei turin infiamna ngaih pawimawh a tul hle a, eng infiamna pawh khel se la, taimakna leh insumtheihna nen chuan eizawnna tlak a tling vek a ni, a ti. A bik takin Football chu Mizote thiam zawng tak a ni a, tam takin eizawn nan an hmang mek bawk tih sawiin, Minister chuan dinhmun sang tak an thlen theihnan tumruhna nei turiin infiammite a fuih a ni.

Independence Day Vawi- 80  na puala Khuallian  thusawi kimchang hi a hnuaia link-ah hian chhiar theih a ni e.

https://dipr.mizoram.gov.in/post/speech-of-pu-b-lalchhanzova-minister-for-food-civil-supplies-consumer-affairs-land-revenue-settlement-ipr-on-the-80th-india-independence-day-celebration-at-lawngtlai-15th-august-2026