1813/2026-2027

Dated Champhai, the 15th August, 2026 : Vawiin khan Chhangphut Field Champhai-ah India ram Independence Day vawi 80-na chu India ram hmun dangte rualin ropui tak a lawm a ni a. Khuallian School Education Minister Dr. Vanlalthlana'n hnam puanzar pawt pharhin Parade Contingent 18-te leh Pipe Band-te hnam puanzar chibai bukna a chhang let a ni.

Khuallian Minister Dr. Vanlalthlana chuan thu sawiin, Champhai District mipuite zinga Independence Day a hmang thei chu lawmawm a tiin, Independence Day ropui taka lawm anih theihna tura tha thawhtute zawng zawng hnenah lawmthu a sawi a. Independence Day a lo thlen hian zalenna kan neih theihna tura lo martar tawhte hre thar leh a, an inpeknate ngaihhlut nachang hre thar leh turin a fuih bawk a, ruihhlo dona kawngah pawh Champhai mipuite chu an theihtawp chhuah turin a sâwm thar bawk a ni. Minister chuan District chhunga department hrang hrang hmalaknate sawiin, hmalakna la awm zel turah mipuite'n an theihtawpa sawrkar thlawp chhunzawm zel turin a sawm bawk a ni. 

Hemi ni a Minister-in Champhai District-a Sawrkar Office hrang hrangte hmalakna a sawi chu a hnuaiah hian kimchang zawkin a chhiar theih : https://dipr.mizoram.gov.in/post/india-independence-day-vawi-80-na-chhangphut-field-champhai-a-khuallian-dr-vanlalthlana-honble-minister-thusawi

Thu a sawi zawh hian Minister hian Parade intihsiakna a lawmman leh Special Award a sem nghal bawk a ni.

Parade intihsiakna a lawmman dawngtute:

Unarmed Contingent

* 1st Prize - NCC Govt. GM Higher Secondary School (Boys Contingent)

* 2nd Prize - NCC Govt. GM Higher Secondary School ( Girls Contingent)

* 3rd Prize - NCC Govt. Champhai College

School Contingent 

* 1st Prize - Govt. Roseland Middle School

* 2nd Prize - Govt. Bethel Middle School

* 3rd Prize - Holy Mission School

Special award dawngtute chu :

* District Teacher Award, 2026 - Pi Lalhmunsiami Fanai, Headmaster, Govt. Gandhi Memorial High School

* SIR 2026 kalpui mek a BLO thawkṭha - Pu Billy K. Lalnuntluanga, BLO Bulfekzawl

Independence Day lawmnaah hian Independence Day 2026 puala intihsiakna hrang hrang neiha lawmman sem nghal a ni a, MLA Champhai North Bialtu, Er. H.Ginzalala'n a hlan nghal bawk.

Lawmman hrang hrang dawngtute chu : 

* Badminton ( Men's Double) - C.S. Lalrongura leh Zothansanga (Zotlang Badminton Club)

* Badminton (Women's Double ) - Irene Zotluangpuii leh Cicily VL Ruatpuii

* Badminton (50+ Men's Double) - S.Lalruatsanga (Bethel Badminton Club) leh C.Lalrodinga (Chhaktiang Badminton Club)

* Chess - J.Lalmuankima (Champhai Electric Veng)

Chhangphut Field-a Ceremonial Parade zawhah hian Dr. Vanlalthlana hian sawm bikte pualin Circuit House tual zawlah VIPs at Home a hmanpui bawk a ni.