Vawiin khan Health & Family Welfare Department hnuaia Food & Drugs (F&D) Administration leh Aizawl Municipal Corporation (AMC) tangkawp buatsaihin AMC Conference Hall-ah Aizawl khawpui chhunga Local Council leh Health & Family Welfare hnuaia Food & Drugs Administration chuan inkawmhona hun an nei.

AMC lam atanga thusawitu Dr. Lalthanthuami chuan  AMC huamchhunga Local Council-te hmalakna kal lai tarlangin leilung ti chhetu plastic leh polythene khapna dan kenkawh a ni dawn a ni tiin, hemi atan hian No Plastic exhibition neih a ni ang a, veng bakah office leh sikul fai thlanna kalpui a ni dawn a ni, a ti. F&D Dy. Director Pu F.Lalliantluanga chuan khuahkhirhna dan khauh tak hnuaia damdawi zawrh leh hralh chhuah a nih dan te, damdawi tha lo leh dik lo zawrh a pawizia leh hemi kawnga tanrual a pawimawh zia presentation hmangin a entir a. Food Safety Officer Pi Lalrinkimi Pachuau hnen atangin eitur him leh hrisel kan neih theihna tura zuar chhuaktu leh siamtu te bakah mipuite tih tur hrang hrang presentation hmangin a tarlang bawk. 

Vawiina inkawmhona hunah hian mipuite hnena ei leh in him leh hrisel chhawp chhuah a nih theihna tura hmalak ho dan turte sawiho a ni a, damdawi hmansual laka thalaite venghim tura tan ho dan tur bakah damdawi dik lo leh hmansual theih chi hote diklo taka zawrh leh hralh te dona kawnga thawhho dan turte sawiin ruahmanna siam ho a ni.

Programme hi AMC Commissioner Dr.H.Lalthlangliana’n kaihruaiin Pu Lalsawma, Jt.Director (F&D) chuan kalkhawmte lawmna thu a sawi a. AMC hotute tan lak puinaah leh Aizawl huam chhunga Local Council te chungah lawmthu a sawi a. Aizawl huamchhunga Local Council member 200 chuang an kalkhawm a ni.