Tukin zing 6:30am khan Siaha Town Joint VC te chuan  Mizoram chhunga Hospital te Faina kawnga an inelna(KAYAKALP) leh Mizoram Khawpui Fai intihsiakna denchhenin hnatlang an thawk.

Tukin zing hnatlang hi tan anih hmain, hunserh tawite District TB Office kawta hman a ni a.Programme kaihruaitu  Pu. MH Vanlalsawma, Joint VC President chuan District Hospital chu a thawktute ta chauh ni lo a mipuite ta a ni tih kan hriat tlan a pawimawh hle a ni. Politics chauh buaipui lo a, a tak ngeia ram hmasawn nan Hospital tifai hnatlang thawk tura Joint VC Member te ke in lo pen chhuak hi ropui ka tiin, lawmthu ka sawi tak zet a ni, a ti.

He hunah hian Dr. C. Lalrosanga, Medical Superintendent leh Dr. K. Rakhu te pawhin thu sawina hun hmangin, Joint VC te inpekna chu fakawm an tih thu leh an hnathawh chuan rah tha a chhuah ngei an beisei thu an sawi bawk.

He hnatlang-ah hian Siaha Town Joint VC 22 atangin VC 18 te  lo tel theiin; VC Member hnatlang zat zat hi 150 chuang an ni.

Kayakalp Programme  atan hian Medical Department ,Siaha District chuan theihtawp chhuahin hma a la meka, Staff te pawhin vawi tam tak Thianghlimna hnatlang an lo thawk tawh a ni.

Joint Vc ten hnatlang an thawh zawh hnu hian Model Youth Association ,New Siaha te pawhin Faina hnatlang hi an thawk chhunzawm ve leh a ni.