Eitur siam dan leh vawn that dan tur chungchanga zir hona Awareness Camp on Food Processing chu vawiin chawhma dar 10 khan I & PR Conference Hall ah Pu Joseph Lalhimpuia Parliamentary Secretary, Industries in a hawng.
State Foods Processing Mission under National Mission on Food Processing, Industries Department, Mizoram te bul tuma nihnih awh tur he programme ah hian Khuallian Pu Joseph Lalhimpuia chuan Mizoram ah State Food Processing Development Councill chu Chief Minister ho in 10th May, 2012 khan neih a lo nih tawh thu leh National Mission on Food Processing pawh 1st April, 2012 khan neih a nih tawh thu sawiin Mizoram tan five year plan ah 11.31 Crore dah anih thu a sawi a. India ram sorkar in he programme hi a ngaih pawimawh ang aia Mizoram ah helam kan la hawi nasat loh thu leh hmabak kan la ngah thu sawiin Nationall Skill Development nen pawh thawh ho dan tur ngaihtuah mek a ni a, he lam kawnga hmasawn zel na tur in guidelines te lakhawma states danga an tih dan te an zir mek thu a sawi bawk a ni.
Aizawl leh a chhehvel ah hian a tlangpuiin Inrinni te hian kan vawi khat bazar hi Rs.1000 chunglam a nih thu sawiin Pu Joseph Lalhimpuia chuan eitur vawnthatna tha kan neih chuan manto em em lovin kan lei theih a beisei thu sawiin, engtin nge mi harsa zawk ten an chhhawr tangkai a, an tangkaipui theih dan tur kawnga hmalak dan tur te asawi bawk.
Pi R. Lalrodingi, Joint Director of Industries & Scheme Officer, Food Processing in vawiin programme sawihawnna leh hmalak mek dan report a pe a. National Mission on Food Processing hnuaia Grant in aid mi pathumte hnen ah pek an ni.
1) Jay Jay Foods, Ramhlun Venglai, Aizawl
2) 3L Mizo Food, Salem Veng, Aizawl
3) Damdiai Modern Meat Shop, Chanmari West, Aizawl.
Chawhnu lamah mithiam hrang hrangten zirtirna pein sawihona hun neih zui nghal a ni a, naktuk nilengin hun an hmang leh ang.
