Vawiin khan Forests officer-te tan ‘Wildlife law enforcement and countering wildlife trafficking’ tih thupui hmangin training chu Forest Research Centre for Bamboo and Rattan (FRCBR), Bethlehem Vengthlangah neih tan a ni a. Ni hnih awh tur he training hawnna programme hi vawiin chawhma khan Pu Liandawla, IFS, PCCF (Wildlife) & Chief Wildlife Warden chuan a kaihruai a ni.

Programme-ah hian Assam atanga lo kal Pu DP Bankhwal, IFS (Rtd.) chuan thu sawiin Mizoram chu nungcha (wildlife) lama a hausak thu leh Dampa Tiger Reserve tlawh manhla a tih thu a sawi a. He huna thusawitu dang Dr.CHM Rao, PCCF & HOD, Mizoram chuan Mizoram chu dan lova nungcha a ruka phurhna kalkawng a nih avangin Myanmar leh Bangladesh ramri lam atanga lut leh chhuakte ven uluk an ngai hle, a ti. 

He training-ah hian DFO, ACF, National Park leh Wildlife Sanctuary-a manager-te leh wildlife lama hotute an tel a. He training hi Mizoram Sawrkar leh Wildlife Conservation Society-te nen tangkawpa buatsaih a ni.