Vawiin khan Administrative Training Institute, New Secretariat Complex ah MCS, MF&AS leh MIS Officer lak thar te tan foundation training neih tan a ni a, Pu Lalnunmawia Chuaungo, IAS, Principal Secretary, Finance chu khuallian niin training hawnna hun a hmanpui.

Pu Lalnunmawia Chuaungo chuan officer thar te chu mipui tana thawk anni tih hre reng chungin khawi hmunah pawh awmse rinawmna leh taihmakna nen an hna te thawk turin a chah a, sum leh pai lama inhai vur tumte tan sawrkar hnaah hmun a awm loh thu a sawi a, ram leh mipuite tan mi tangkai leh thawhhlawk tak ni turin a fuih bawk.

MCS, MF&AS leh MIS foundation training ah hian 2017 MCS combine exam a in ziak tling MCS 5, MIS 2 leh MF&AS 2 bakah 2018 induction atangin MCS 4 an tel a, district training of IAS atan 2017 IAS batch atangin pakhat a rawn tel bawk a ni.

 

Attachment

  • Loading attachment...