Deputy Commissioner, Kolasib, District Civil Hospital Kolasib leh Medica Superspeciality Hospital, Kolkata tangkawp buatsaihin Kolasib District Hospital OPD Building-ah August ni 4, 2017 (Zirtawpni) hian Free Medical Camp buatsaih a ni dawn. 

He Free Medical Camp hi Kolasib Bialtu MLA Pu PC Zoram Sangliana’n  a hawng ang a. He camp-ah hian a thlawnin Kal lam specialist, medicine specialist leh Paediatrician (Naupang Specialist) te a inentir theih dawn a ni. Inentirna hi a thlawn a ni ang a, damdawi leh test hrang hrang tihna man erawh chu chawi a ngai thung ang. He Medical Camp-ah hian Medica Superspeciality Hospital, Kolkatta atang hian Dr. Dilip Kumar Pahani, Sr. Consultant, Nephrology (kal lam doctor) leh Dr. Saurren Panja, Sr. Consultant, Internal Medicine te an lokal anga. Kolasib District Hospital atangin Dr. Lalrintluangi, Paediatrician leh Dr. H.C. Lalnunhlua, Medicine te rawn theih an ni bawk ang. 

Hemi chungchanga inbuatsaih dan tur leh hmalak dan tur te sawihovin vawiin khan Organising Committee chu an Chairman Dr. Arun T., IAS Deputy Commissioner hovin  a pisa-ah an thukhawm a ni.