Mizoram sorkar in sawhthing hralh chhuahna ah ‘free sale policy’ a kalpui hnuah sawhthing hralhna a tha chho zel a. Tun season a sawhthing thar hralhna rate chu November 2012-a Kg 1 Rs.19/- atangin April thla khan Rs.55/- ah a chho tawh a ni.
Mizoram sawhthing thar chhuahte hian ram pawn a thleng zau tawh hle a. Mimal sumdawng zinga sawhthing thawn chhuaktu lian ber Pi Thangveli, d/o Pu B.T.Roluaha, Bethlehem Vengthlang chuan kumin ah Siliguri, Lucknow, Uttarakhand, Kolkota leh Delhi-ah te sawhthing 1,71,194 quintal lai a thawn chhuak tawh a ni. Zokhaw hmun hrang hrang a an agent 200 vel ten loneitu te hnen atanga sawhthing an leikhawm te chu Zemabawk a a chhekna go-down ah hlangin hetah hian thliar leh pack fel hnuin ram dang ah an thawn chhuak thin a. Kumin thar an lei khawm bag 2,58,209 lai chuan Zemabawk a lo thleng tawh a. Vawiin tlai khan quintal eng emaw zat chu Zemabawk atang hian thawn chhuah a ni.
Hetianga free sale policy hnuaiah mimal sumdawng tan hma lak theih a loh nih tak avang leh hemi zara sawhthing hralhna a lo that chhoh tak zel avang hian loneitu tam takin sawhthing chin an uar thar leh a, thar chhuah pawh a pung chho mek bawk a ni.
