No.7343/2020-2021

Gauhati High Court, Aizawl Bench chuan tukin khan an office hmun Govt. Complex-ah India Republic Day vawi 72-na lawmna urhsun takin an hmang.

72nd Republic Day hmanna-ah hian Hon’ble Mr. Justice Ajit Borthakur, Judge, Gauhati High Court chuan hnam puanzar zing dar 8-ah a pawt pharh a, 225 Bn. CRPF ten zahna chibai an buk a ni. Republic Day hmanna hun tawite-ah hian High Court Registry Officer leh Staff te bakah Additional Advocate General, Bar Association aiawhte, District & Sessions Judge leh Judicial Officer-te an tel a. A bik taka sawm Special Blind School leh rualbanlo aiawh Ferrando Children’s Home ten an rawn tel pui bawk a, Children’s Home atangin Stephen Lalruatfela’n zaiin kalkhawmte a awi nghe nghe a ni. He hunah hian Govt. Complex atangin naupang engemaw zat an tel bawk. Lo kal khawm naupangte hnenah Justice Ajit Borthakur chuan sweet leh ei tur a sem a, hnam puanzar pawh pharh a nih hnu hian sawm bikte bakah officer leh staff ten thingpui an in ho leh a ni. Republic Day leh Independence Day hi Gauhati High Court, Aizawl Bench ten a din tirh atangin uluk leh urhsun takin an lo hmang ziah thin a ni.