1941/2024-2025

Aizawl 6th September, 2024 : Gauhati High Court Chief Justice Shri.Vijay Bishnoi chuan vawiin khan Gauhati High Court Aizawl Bench building 2nd floor-ah Creche a hawng. Pu Michael Zothankhuma, Judge, Gauhati High Court leh Justice Kaushik Goswami, Judge, Gauhati High Court te'n an tawiawm bawk.

Creche vawiina hawn tak hi Mission Shakti, Aizawl Urban ICDS Project, WCD, Government hnuaia Government of Mizoram hmalakna atanga din a ni a. Hmeichhia leh naupangte'n hamthatna tha zawk an dawn theihna tura din niin Sorkar hmalaknain hmeichhia te zirna leh an hnathawh theihna turah kawng zau zawk a inhawng mek a. Tihphuisui leh tihhlawhtlin zel a ni theih nan he project PALNA - Anganwadi Cum Creche hi siam a ni. UN hnuaia sustainable development Goals 8-nain a sawi angin hna thianghlim leh zahawm hmanga ram ei leh bar tihhmasawn chu a tum ber a ni. 

He scheme hnuaiah hian naupang thla 6 atanga kum 6 inkar, nu hnathawh nei te'n he hmunah hian an hnathawh chhungin an fate an dah thei dawn a. A hmunah hian ei leh in tur leh an mutna tur bakah day care facility te Anganwadi nena tangkawpin naupangte enkawlna pek thin tur a ni dawn a ni.

Creche hawnna hunah hian Mizoram Law secretary, WCD Secretary leh Director bakah High court officials leh High Court Bar a advocate te an tel a ni.