1942/2024-2025

Dated: Mamit the 6th of September, 2024: Vawiin chawhnu khan Taitesena Buk, DC Office Mamit-ah  Pu Jacob Lalawmpuia, Bawrhsap kaihhruaina hnuaiah Swachhata Hi Seva Campaign 2024 kalpui dan tur rel a ni.

He thutkhawmnaah hian Bawrhsap chuan Swachhata Hi Seva Campaign- Faina Beihpui Campaign chu uar taka kalpui a tul thu a sawi a, district changkang leh hmasawnna kawng zawh tehfung pawimawh tak chu faina ngainat hi a ni a, Mamit pawh hemi kawng zawh tur hian nasa zawk a hmalak a tul tih sawiin, he beihpui hi ngaipawh theuh turin thutkhawmna a kal te chu a chah. Bawrhsap chuan he campaign hnuaia tihtur(activities) hrang hrang chu hlawhtling leh hlawkthlak taka kalpui ni se a ti a, block leh sub divisional level-ah pawh theihtawp chhuah a hmalak a tul thu a sawi. Pu Jacob Lalawmpuia chuan he campaign-ah hian department hotuten nasa taka tan lak a ngai tih sawiin  thahnem ngai taka bul tan turin a sawm bawk a ni. 

Swachhata Hi Seva Campaign hi 9th September 2024 atanga 2nd October 2024 thleng kalpui tur a ni a, kumin thupui (theme) chu ‘Swabhav Swachhata - Sanskaar Swachhata' tih a ni. Launching program hi 17th September 2024 a neih tur a ni. He campaign in a tum pawimawh te zinga mi chu hmun bal zual (black spots) zawn chhuah a a tul ang a tihfai hnatlang neih a ni a, 10th September 2024 hmaa heng hmun tihfai ngai hi zawn chhuah tur a ni .Swachhata Hi Seva 2024 hian banpui pathum pawimawh tak a nei a, chungte chu

1. Swachhata Ki Bhagidaari ( Faina kawnga mipui mimir telna leh hrilhhriatna)

2. Sampoorna Swachhata (hun bik tuk neia vantlang hmun harsa leh bal zual lai tihfaina)

3.  Safaimitra Suraksha Shiviris- (faina kawnga hmalatute hriselna endik) 

Swachhata Ki Bhaagidari hnuaiah hian 22nd - 28th Spetember inkarah Reiek atanga Ailawng thleng marathon neih tur a rel a ni a. School leh college-ah te faina chungchang workshop nei tur a beisei a ni bawk. SaifaMitra Suraksha Shivir hnuaiah Health Camp/ Dignity Camp neih tur a ni a, hemi hunah hian faina lama hmalatu pawimawh -sanitation workers leh an chhungte  chu health check up neiin ngaih pawimawh tur an ni. 

He campaign denchhen a college,school, office leh khawtlang hmun hran hran tihfai lai hi thla lak a, IT portal leh social media ah te upload tur a ni a, SHS2024 Campaign hashtags- #SwabhavSwachhata #SanskaarSwachhata #SwachhataHiSeva2024 hmang uar tur a rel a ni bawk. 

Vawiin thutkhawmnaah hian Nodal officers, DRDO, department aiawh te leh online lamah block leh sub division a hotute a tel a ni.