1943/2024-2025

Dated Kolasib the 6th September 2024: Vawiin khan Kolasib DC Conference Hall ah Faina kawnga Beihpui thlakna Swachhata hi Seva Campaign kalpui dan tur chungchang District Steering Committee on Swachhata hi Seva 2024 member ten Kolasib DC Pu Robert C Lalhmangaiha hovin sawihona hun an hmang.

Thutkhawm kaihruaitu Pu Robert C Lalhmangaiha, Kolasib DC chuan  Sawrkar chuan faina a ngai pawimawh takzet a ni a ti a. Hemi avang hian program tha tak tak pawh  duang chhuak in chung zinga pawimawh tak chu Swachhata hi seva hi a nih thu a sawi a. Kum dangah chuan October ni 2, Mahatma Gandhi piancham ah Faina Hapta, cleanliness observance week  tan a ni thin a, kumin ah erawh  faina kawnga beihpui thlakna chu Swachhata hi Seva campaign hmang hian September ni 14, 2024 ah bul tan a ni anga, October ni 2 ah a hmawr an bawk dawn a ni, a ti.

Swachhata hi seva Campaign hi Urban leh Rural a kalpui tur niin, UD&PA chu Urban bik atana Nodal Department niin, Rural erawh  PHE Department kutah dah a ni thung. Hemi denchhen hian vawiin a thutkhawmna ahhian thurel-Agenda 11 awmin chungte chu hmun bal zual (Black Spot) zawn chhuah te, cultural fest buatsaih te, Swachhata competition waste to art kalpui te, Health camp neih chungchangte,  Cleanliness week chungchangte, Plantation drive chungchangte , rally, pledge leh faina kawnga hmalakna chi hrang hrang neih dan tur chungchangte rel ho a ni.

Swachhata Hi Sewa, Cleanliness is Service, campaign hi Prime Minister Narendra Modi chuan August 27, 2017-a Mann Ki Baat-a thu a sawinaah puang chhuak in, He campaign tum ber chu mipui hnena faina chungchang inhrilhhriat te, faina kawnga a tam thei ang ber thawk chhuak tura hmalak te, hmun bal zual (Black spot) zawn chhuah a tihfai hnatlang neih bakah sanitary workers te kan ngaihhlutzia lantir te a ni a. He campaign hian Jan Adolan- mitin in faina kawnga beihpui thlak na kawnga tel tura sawmna a ngai pawimawh hle bawk.

Swachhata Hi Seva 2024 hian banpui pathum pawimawh tak a nei a, chungte chu- Swachhata Ki Bhagidaari ( Faina kawnga mipui mimir telna leh hrilhhriatna), Sampoorna Swachhata (hun bik tuk neia vantlang hmun harsa leh bal zual lai tihfaina) leh Safaimitra Suraksha Shiviris- (faina kawnga hmalatute hriselna endik) te an ni.

Vawiin a thutkhawmna ahhian DC Kolasib bakah Pi Josephine Zonunsangi ,DUDO UD&PA,Kolasib,  Pi Lalrosangi ,EE PHE, Kolasib, Kolasib District Steering committee on SHS member te,  VC aiawhte leh sawm bik mi pawimawhte an tel a ni.