4318/2025-2026 

Dated: Mamit the 5th of February, 2026 : Vawiin khan Hon’ble Justice Marli Vankung, Judge Gauhati High Court leh Portfolio Judge, Aizawl Judicial District chuan District Court, Mamit a tlawh.

He hunah hian Justice Marli Vankung chuan Mamit district chu district entawntlak a nih thu sawiin dan leh thupek zawmna kawngah mipuiten thu an zawm tha chu lawmawm a ti a, hemi kawnga hma la thatu police chu an fakawm hle a ni, a ti. District court-a an officers leh staff te chu inlungrual taka thawk ho zel turin a chah a, district muanawm neihnaah an pawimawh thu sawiin tha taka hna thawk chhunzawm zel turin a chah bawk a ni.

Vawiin hun hi Pu H. Lalduhsanga, Chief Judicial Magistrate, Mamit district chuan a kaihruai a, Pu K. Laltlawmlova, District Bawrhsap chuan hun a hmanpui bawk. Pi Helen Dawngliani, District & Sessions Judge, Aizawl Judicial District, Dr H.T.C. Lalrinchhana, Registrar Gauhati High Court Aizawl Bench leh officials dangte an tel bawk.

He hunah hian Mamit Bar Association chuan an hartsatna leh hmalak ngaihna te an thlen a, office building chu endikin mamawh leh hmalakna ngai te sawi ho a ni bawk.