4317/2025-2026 

Saitual, the 5th February, 2026 : Vawiin khan Chawnpui YMA Hall, Saitualah National Girl Child Day lawmna hun hman a ni a, Pi F. Zodingpuii, DIPRO chu khuallian niin hun a hmanpui. 

He hunah hian khuallian Pi F. Zodingpuii chuan kalkhawmte chu National Girl Child Day chibai a buk a, hmeichhe naupangte chu nakin lawka ram hruaitu leh tihmingthatute an la ni thei tih a sawi. Khuallian chuan hmanlai ngaihtuah chuan tunlai hmeichhiate dinhmun chu a tha tawh hle tih sawiin, chutih rualin hmeichhe laka hleilenna chu a la hluar hle a, hleilenna laka hmeichhiate leh naupangte venhim kawngah hma lak nasat a tul tih a sawi bawk. 

Khuallian chuan Mizo hmeichhiate chu kawng hrang hrangah an thleng sang tawh hle tih a sawi a, hmeichhe naupang kal khawmte chu an talent te hai chhuak a, eizawn nana hmang thei tura thawkrim turin a fuih nghal a ni. DIPRO chuan naupangte chu khuaikhem an tawh loh nan an taksaa khawih him chin- "Good touch" leh khawih him lo chin "Bad touch" te a zirtir a, zirtirtute pawh naupangte chunga hleilenna a thlen loh nan naupangte thusawi ngaithla liam lo a, ngai pawimawh thin turin a chah a, a tul chuan child helpline-ah te tanpuina a dil theih reng a ni, a ti. Khuallian chuan naupangte chu an hma huna hlawhtlinna anchan theih nan a duhsakna sang ber a hlan bawk a ni. 

National Girl Child Day pual hian intihsiakna hrang hrang buatsaih niin, vawiin inkhawmah hian lawmman sem nghal a ni a, lawmman dawngtute chu: 

Essay Writing Competition (NSCBAV Elementary Girl Hostel, Saitual District)

Topic : Hmeichhia Ka ngaihsan zawng

1. Group 4

2. ⁠Group 3

3. ⁠Group 2

Poster making competition (NSCBAV Secondary Girls Hostel) Saitual District 

Topic: Coping with stress or Exam tension

1. Black & White

2. ⁠A-1

3. ⁠The Paradise Gals 

Pafa thlalak Competition

1. Tommy Hmingdailova (Saitual)

2. Ramdinzauva (Buhban)

3. ⁠Hz Laltlanchhunga (Saitual) & Lalruatfela (Tualbung)

Consolation Prize: K. Vanlalruata (Saitual) 

Mizoram Wrestling Association buatsaih Apex Bank 8th Inter District Wrestling Championship 2025 (Free Style) ah Lalthasiami D/o Lalngamliana, Govt H/S, Keifang in Gold Medal a lak avangin lawmman pek a ni. 

Bureau of Energy Efficiency (BEF), Ministry of Power, Govt of India hnuaiah NEEPCO in State Level Painting Competition 19.11.2025 a a buatsaih ah H.Malsawmzuali D/o David Lalremsiama, Presbyterian English School, Keifang chu Category 'A' ah 3-na a ni a, National level ah Mizoram aiawhin a tel bawk. 

Zonal-Level East Zonal Band Competition 2025-26 ah Pipe Band Boys leh Pipe Band Girls category ah te Govt. H/S Saitual ten 3-na an la ve ve a ni. 

Vawiin inkhawm hi Pu Ramtharmawia, SFL, DHEW chuan a kai hruai a, Pi F. Zodingpuii, DIPRO chu khuallian niin thu a sawi a, Pi Chhuanhlupuii, SDEO hnen atangin thusawi ngaihthlak a ni bawk. Kingdom kids ten lam an entir a, hmeichhe naupang chhuanawm tak tak te hnenah lawmman hlan niin, Pu C. Lalramchhana A/A, DHEW chuan lawmthu sawinain hun a khar a ni.