Vawiin khan Justice Michael Zothankhuma, Judge, Gauhati High Court leh Mizoram Portfolio Judge ni bawk chuan Mamit khua a tlawh a. Judicial Officer Quarter sakna tur hmunhma leh Mamit Court a an thil man khawm sa dahna (Malkhana) a enfiah.

Chief Judicial Magistrate Chamber-ah Pu Michael Zothankhuma ho hian Meeting neih niin Pu Michael Zothankhuma chuan Judicial Quarter leh Court building chu Grade 1 Judicial Officer awm thei tura buatsaih anih dawn thu sawiin. hei hian thubuai remna kawngah Mamit District tan hmasawnna a thlen a beisei thu a sawi, High Court Judges hian Mamit District Bawrhsap leh SP hnenah ngenna siamin Mamit District Court leh Malkhana ah te Police Duty dah turin a ngen a. Mamit District Jail chu karhnih danah tal Medical Team te'n tlawh thin turin a ngen bawk.

Pi Julie Lalrinzami, Chief Judicial Magistrate chuan High Court Judge Pu Michael Zothankhuma'n Mamit khua a lo tlawh chu a lawmawm a tih thu sawiin harsatna tawh mekte leh an mamawh hrang hrangte a lo thlen a, High Court Judges chuan an mamawh hrang hrangte chu ngaihthlak sakin a theih ang anga tihhlawhtling turin hmalakpui a tum thu a sawi. Pu T, Ramzuva District Jail Superintendent, Mamit chuan an harsatna tawh hrang hrang lo thlenin hmalakpui turin Pu Michael Zothankhuma'n High Court Judge hi a ngen bawk a ni.

Pu Michael Zothankhuma hi Pi Lalbiaksangi, Mamit Bawrhsap leh SP Mamit, Chief Judicial Magistrate, SDO PWD ( Building) leh Official dangte'n Tourist Lodge Mamitah an lo dawngsawng a ni.