Mizoram sawrkar, Land Revenue & Settlement Department chuan Mizoram (Land Acquisition, Rehabilitation and Resettlement) Act, 2016 chungchanga mipui te hriat tur pawimawh a hnuaia mi ang hian thuchhuah a siam.

Gauhati High Court, Aizawl Branch (Single Bench) chuan, WP(C) No. 20/2014 leh WP(C) No. 30/2104 (Lunglawn, Lunglei a Assam Rifles tana ram lak (acquire) sak te’n Right to Fair Compensation, Transparency in Land Acquisition, Rehabilitation and Resettlement Act, 2013 (RFCTLARR Act) hnuaia an ram lak te, compensation pek an duh thu an thlen chungchang Order dated 15.11.2017 a siam ah, Mizoram Sorkar-in Article 371G in a humhalh hnuaia alo siam, Mizoram (Land Acquisition, Rehabilitation and Resettlement) Act, 2016 (MLARR Act, 2016) chu President of India pawmpuina a awm loh avangin Mizoram chhunga hman theih loh a nih thu leh, Lunglawna ram neitute pawh Compensation pek tur ang ang chu Order chhuah atanga thla(4) chhungin assess fela, thla 3 (thum) dang leh chhungin a dawng turte hnenah pek vek tur a nih thu a chhuah a.

He High Court Order avang hian Mizoram State chhunga MLARR Act, 2016 hnuaia land acquisition kal pui mek zawng zawng chu chawlhsan nghal a ni a, Mizoram Sorkar chuan Gauhati High Court, Division Bench-ah Court Order-a MLARR Act hnawl a nihna thu hi rang takin a Appeal nghal a. Appellate Court hi rei rial lova thuthlukna Order chuah thuai tura ngen a ni a, Land Acquisition hma lakna pawh chhunzawm thuai beisei a ni. Land Acquisition chawlhsan lailawkin harsatna a thlensakte’n an lo hriatthiam beisei a ni bawk e.