Vawiin chaw hma dar 11:30AM khan DC conference Hall-ah Kumin Chapchar Kut, 2018 hman dan tur relin Chapchar Kut celebration committee member te an thu khawm.

Vawiin meeting chuan Kumin Chapchar Kut,2018 hi District Mualpui Siaha Vaihpi -ah zinglam dar 10:30AM a hmang turin a rel a. Kut Pa atan Pu N.Zakhai CEM, MADC a ruat a. Kut Thlengtu atan Pu VL. Hruaizela Khiangte a ruat bawk.

Chapchar Kut, 2018 lawmna-ah hian Tlawmngai pawl hrang hrang ten Hnam lam hrang hrang leh Hnam incheina te an entir ang a, Zirlai naupang ten pawnto an entir bawk ang.  Heng bakah hian  zaithiam 5 thlanchhuah ten  mal zaina hun  hmangin, Chhawnghnawh, Group lam, inhruipawh te leh Miss Chapchar kut thlanna te leh Special Item hrang hrang neih a ni  bawk ang. Hlado chham turin Pu Sangmanga ruat a ni bawk.

Announcer atan Nl.Presley D.Khaimeichhô leh Pu Khusa Khaila te ruat an ni bawk.

Chapchar Kut, 2018 puala lawmman hrang hrang te sem turin Pu A.Zakia Kumin a Siaha District atanga  Padma Shri Award dawngtu chu ruat a ni bawk.