2639/2023-2024

Aizawl, the 3^rd November, 2023: General Election to the Mizoram Legislative Assembly, 2023 kalpui chhoh mekah District hrang hrangah kum 80 chin chunglam leh Vohbikte tan mahni in lama vote thlak ‘Home Voting’ kalpui a ni a. Hemi bakah hian inthlan kaihhnawiha duty tur Polling personnel, Official dangte leh inthlanni a essential service duty turte tan postal ballot hmangin Facilitation Centre-ah te vote thlak chhoh mek zel a ni bawk a; hriat theih chinah ni 03.11.2023 tlaidar 5:00 thleng khan Home voting 2,058 leh Facilitation Centre voting 7,497, avaiin vote tla 9,555 a awm tawh a ni.

Vote thlak dan District wise report kimchang chu hetiang hi a ni:-

Inthlanna felfai leh langtlang a awm theih nana hmalakna pakhat atan ECI chuan Polling Station awm zawng zawng atanga za zela 50 (50%) tal Webcasting ti tura thupek a chhuah bawhzuiin Mizoramah chuan Polling Station za zela 60 (60%), Polling Station awmzat 1,276 atanga 765-a vote thlaktuteche vel zawngzawng lo thlirtheihna tur webcasting titura inbuatsaih mek a ni. Vawiin khan a enchhinna (Dry Run) ICT Conference Hall-ah Dy. CEO leh Nodal Officer, Webcasting nibawk Pu Henry C. Lalrawnkima hovin hlawhtling taka neih a ni.

General Election to Mizoram Legislative Assembly, 2023 neih tur inpuahchahna kalpuimek zelah Election Commission of India atanga thupek angin Commissioner of Excise & Narcotics, Excise & Narcotics Department, Mizoram chuan Rule 5 of the Mizoram Liquor (Prohibition) Rules, 2022 in thuneihna a pek tlawhchhanin Campaign period tawp hun November ni 5, 2023 (Pathianni) tlaidar 4:00 atanga vote thlakni November ni 7, 2023 (Thawhlehni) tlaidar 4:00 thleng bakah, Vote chhiar hun tura ruat December ni 3, 2023 a vote chhiarzawhfel a nihhma chu Mizoram pumah zu khap burna 'Dry Day' puan a nih thu vawiin chawhma khan a chhuah.