2638/2023-2024

Champhai the 4^th November 2023 – Champhai DC&DEO Pu James Lalrinchhana chuan District Mipuite Vote thlak tura sawmin a hnuaia Thuchhuah dated 3^rd November, 2023 a ti chhuak a ni:

Kan hma lawk ni 7.11.2023 (Thawhlehni)  hian kan ram aiawh tur MLA thlanna kan nei dawn a. Inbuatsaihna pawh a vawrtawp a thleng chho mek a. Vote thlak hi khua leh tui tha ten a kan dikna leh chanvo anih bakah kan mawhphurhna ani tih hre reng chungin vote thlak turin Champhai District mipuite kan in sawm tak meuh meuh ani.

Kan ramah rorelna dik alo awm theih nan kan aiawh tur uluk takin thlang ila. Sum leh therhlo it vanga mahni vote hralh lo turin Champhai District mipui zawng zawng te kan ngen bawk ani.

Inthlanna thianghlim, muanawm leh felfai kan neih theih nan inthlanna a duty  zawng zawng te lo tawiawm turin kan in ngen bawk a ni e.

Engemaw rokhawlhna avanga EPIC nei remchang lo te chuan anmahni ngei a ni tih finfiahna turin a hnuaia Photo Identity Document tarlante hi kengin vote an thlak theih ang

i)         Aadhaar Card

ii)        MNREGA Job Card

iii)      Bank/Post office atanga thlalak chuang Passbook pek chhuah

iv)       Ministry of Labour atanga Healh Insurance Smart Card pek chhuah

v)        Driving License

vi)       PAN Card

vii)     NPR kaltlanga RGI in Smart Card a pek chhuah

viii)    Indian Passport

ix)       Pension lehkha pawimawh thlalak chuanna

x)        Service Identity Card thlalak chuanna Central/State Govt./PSUs/Public  Limited Companies ten an hnuaia thawkte tana an siam sak

xi)       MP/MLA/MLC-te Official Identity Card

xii)      Unique Disability ID(UDID) Card, M/o Social Justice & Empowerment, Government of India