2637/2023-2024

Champhai the 4th November, 2023 - Champhai DC&DEO Pu James Lalrinchhana chuan Election Silent Period chungchangah a hnuaia thuchhuah dated 02/11/2023 a ti chhuak:

Mizoram Inthlanpui , 2023  chu Ni 7^th November, 2023 a neih tur a ni a. Inthlanna muanawm leh felfai tak neih a nih theih nan heng a hnuaia tarlan te hi zawm theuh turin Champhai District mipuite kan in ngen a ni.

1.    Representation of the People Act, 1951 section 126 chuan Constituency-a vote thlak hun tawp atanga chhiar leta darkar 48 (i.e. ni 5^th November, 2023 tlai dar 4 pm) atangin Television (TV) emaw hmanraw dang hmanga inthlan kaihhnawih thil tarlan leh tihchhuah a khap tlat a ni.

2.    He darkar 48 chhung hian inthlan kaihnawih thila vantlang inkhawm khap tlat a ni a, mi tumahin inthlan kaihnawih thil television-ah emaw cinema-ah emaw media dangah emaw mipui hmuh theih turin an phochhuak tur a ni lo. He thupek zawm lo te chu kum hnih thleng lungin tan tir emaw lei chawi tir    emaw, a pahnih a hrem theih an ni.

3.    Silent period ni 5^th November, 2023 tlai dar 4 PM atangin Campaign period a tawp a. Silent period hman anih hnu ah Champhai District-ah pawh khauh taka kalpui tur a ni.

Flying Squad, Static Surveillance Team etc ten dan bawhchhiatna a awm leh awm loh an fang kualreng dawn a, Media leh Social Media te pawh ngun takin an vil reng dawn bawk a ni.

Candidates leh political parties ten he hun ‘Silent Period’, Ni 5^th November, 2023 tlai dar 4 PM atanga inthlan zawh thleng hi tha taka zawm a nih theih nan leh an lo in ruahman lawk theih nan he ngenna hi siam a ni.