2225/2023-2024

Aizawl, the 9th October, 2023: Kumin inthlanpui General Election to the Mizoram Legislative Assembly 2023 neih dan tur chungchangah vawiin chawhnu dar 2:30 khan Chief Electoral Officer (CEO) Pu Madhup Vyas, IAS chuan I&PR Auditorium-ah Press Conference a nei.

CEO Mizoram Pu Madhup Vyas chuan Election Commission of India (ECI) in a puan angin November ni 7, 2023 ah Mizoram MLA Election neih tur a nih thu leh December ni 3, 2023 ah vote chhiar tur a nih thu a sawi a. Gazette notification chhuah hun atan October ni 13, 2023, inthlan chuh tum hming pek luh hun hnuhnung atan October ni 20, 2023, nomination scrutiny hun atan October ni 21, 2023, Candidate in hnuhdawh theih hun hnuhnung atan October ni 23, 2023 ruat a nih bakah December ni 5, 2023 hmaa inthlanna kaihhnawih zawhfel vek hman tum a nih thu a tarlang a. Media-te chu inthlanna felfai leh dik neih a nih theih nana tih tur leh tih loh turte a tam thei ang ber puangzar turin a chah a. MPF leh NGO dangte'n election muanawm leh felfai tak neih kawnga theihtawp an chhuah thin chu fakawm a ti a. Mizo mipui vote nei tawh phawt chu vote thlak theuh tur leh vote thlak thatna ber ni tura thawhhopuiah a sawm a ni.

He huna tarlan a nih danin Electoral Roll siam that hnuhnung ber October ni 4, 2023 a tih chhuahah Mizoramah vote nei 8,56,868 (Mipa 4,12,969 leh hmeichhia 4,38,925 bakah service voter 4,973) an awm a. Aizawl District-ah voter 2,86,807 awmin a tam ber a, a tlemna ber Hnahthial District-ah voter 16,294 an awm a. Assembly Constituency zinga voter ngah ber 36-Tuichawng (Lawngtlai District) in voter 36,042 neiin a tlem ber 34-Thorang (Lunglei District) in voter 14,909 a nei a. Mipa vote tam zawkna District pakhat awmin, Assembly Constituency 10 ah mipa vote tam zawkna a awm bawk. Polling Station zingah 13/24- Zemabawk VIII (13-Aizawl East I AC) ah voter tam berin 1,481 an awm a, 34/24-Thehlep (34-Thorang AC) ah tlem berin voter 26 an awm a ni. Young voter (18-19 age group) 50611, Senior Citizen voter (80+) 8490 leh PwD voter 3243 an awm bawk.

Polling Station 1276 (Urban 525 & Rural 751) awmin kum 2018 inthlanpui aiin 112 in a tam belh a ni. Assembly Constituency tinah Polling Station pakhat tal Hmeichhe hlang leh Vohbikte enkawl din tum a ni a, Model Polling Station pakhat zel siam tum a ni bawk. Webcasting Polling Station za zela 50 ah leh Critical PS ahte siam tum a ni a. Vohbik leh kum 80 chunglam voter-te tan in lama vote thlak theihna siam a ni dawn a, hemi tur hian AC tinah Assistant Returning Officer i/c home voting ruat an ni a. Eco-friendly election neih tum a ni a, inthlan venhimna thawk turin State Police bakah CAPF section 450 chhawr tum a ni a. Election kaihhnawih sum hman viltu tur Team hrang hrang ruat fel tawh a ni bawk a. Ruihhlo leh a kaihhnawihte khauh taka ven tum a ni bawk.

Addl. CEO kaihhruai State Level Media Cell din niin District tinahte kalpui a ni bawk a. Election Official-te tan training hrang hrang kalpui a ni a. Vote tla a that theih nan SVEEP kaltlangin zirtirna kalpui mek zel a ni bawk a. EVM leh VVPAT First Level Checking zawhfel a ni a, Ballot Unit 2035, Control Unit 2018 leh Voter Verifiable Paper Audit Trail (VVPAT) 2021 te inthlanna atana hman turin venhimna khauh tak hnuaiah kawl mek a ni.

CEO hi Pu H.Lianzela Addl. CEO, Pu James Lalnunmawia, Jt. CEO, Pu Henry C.Lalrawnkima, Deputy CEO leh Election Official dangte'n an tawiawm a ni.