4401/2023-2024

Dated Siaha 2nd April, 2024 : Vawiin khan Dr. Nipun Vinayak, IAS, 1-Mizoram (ST) Parliamentary Constituency- tana General Observer kaihhruaiin Siaha District chhunga Polling Official- te duty na tur khawl hmanga thliarna 'Randomisation of Polling Official' chu Video Conference kaltlanga neih a ni a. Pu V.L. Hruaizela Khiangte, Asst. Returning Officer, 39-Siaha (ST) leh 40-Palak (ST) Assembly Segment, Pu K.L.Vulmawia, Superintendent of Police leh Election Official- ten DC Mini Conference Room atangin randomization hi an telpui a ni.

Election Commission of India (ECI) in inkaihruaina a duan angin Polling party- hian an kal duhna polling station an thlang theilo a, an kalna tur hmun hi khawl hmanga thliar fel a ni thin a. Randomization- thawhkhatna hi lo neih tawh niin, tah chuan polling personnel duty chhuak tur te thlan a ni tawh a. Chungte tan chuan training pawh pek tawh a ni. Tun tumah hian heng 1st randomization-a thlanchhuah tawhte hi team hrang hrangah thliar an ni leh ta a ni. Election Duty tura an chhuah hma chuan an kalna tur polling station an la hre thei dawnlo thung a ni.