No.166/2021-2022 

Dated Serchhip, the 16^th April, 2021: Vawiin hian 26- Serchhip ST AC General Observer thar atana ruat Pu Vishesh Garhpale, IAS chuan DC Meeting Hall-ah Nodal Officer te meeting a neihpui a. Inthlanna thinghlim leh felfai a awm theih nana an hmalakna hrang hrang te a sawipui.

Pu Visesh Garhpale, IAS chuan, election buaipuitute tihdik loh zawnga rawn endik tura lo kal ka ni lova, inthlanna felfai leh hlawhtling a awm theih nana nangmahni pui tura lo kal ka ni, chuvang chuan harsatna in tawhte min hrilhin a tul ang zela chin fel ho dan kan zawng dawn a ni, a ti a. Mihring kan ni a, tihpalh nei thei vek kan ni a, chuvangin engkim fimkhur takin kan kalpui dawn nia, tiin nodal officer te hi a chah a ni.

He hunah hian Pu Kumar Abhishek, IAS, Returning Officer leh District Election Officer ni bawk chuan bye election neih nana inbuatsaihna hrang hrang kalpui tawh chin te, vawiin, vote thlak ni hma chiaha tihtur hmachhawp awm te sawifiahna a nei a. Pu Stephen Lalrinawma, MPS, SP pawhin venhimna lama ruahmanna an duan leh hma an lak dan sawifiahna a nei bawk.

Meeting neih zawh hian Observer hian Election buaipuitute room hrang hrang leh Expenditure Monitoring Cell te a tlawh kual nghal a ni.