No.165/2021-2022
Lunglei, the 16th April, 2021: Tunlai hian Mizoram chheh velah leh Lunglei District-ah vawk natna leng mekin, Lunglei District-ah vawk tam tak an thi tawh a. District AH & Veterinary Officer, Lunglei chuan April ni 12, 2021 khan Electric Veng, Lunglei chu hri lenna hmun, Infected area-ah a lo puang tawh nghe nghe a ni. He hri hi Electric Veng bakah a chhehvel leh District pumpuiah pawh leng thei dinhmunah a ding mek a, a lo darhzau zel loh nan leh a theih ang anga kan lo inven theih nan khapna thupek chhuah a tul a.
Chuvangin, KULOTHUNGAN A, IAS, District Magistrate, Lunglei chuan Sec 144 of CrPC 1973-in thuneihna a pek angin a hnuai a mi ang hian thupek a chhuah.
1. Infected Area-a puan tawh Electric Veng, Lunglei atanga vawk lakchhuah emaw lakluh khap tlat a ni.
2. Vawk thi reng reng paih mai mai lovin, chinai nen thuk taka phum tur a ni.
3. Vawk dam leh dam lo hralh emaw talha, a sa lakchhuah khap tlat a ni.
He thupek hi tihdanglam a nih loh chuan chhuah a nih atanga thla hnih chhung a huam ang. He thupek zawm lote chu Section 188 IPC hmanga hrem theih an ni ang.
