3506/2024-2025

Siaha the 13th December 2024: Vawiin khan DC mini Conference Hall, Siaha-ah Addl DC Pu Abraham Beirazi Khithie kaihhruaina hnuaiah general pool accommodation chungchang ngaituahin thutkhawmna neih a ni.

Pu Abraham Beirazi Khithie chuan vawiin thutkhawm chu Mizoram sawrkar GAD atanga an lehkha hmuh bawhzuina a ni tih tarlangin Siaha districta sawrkar hnathawkten chenna tur 'quarters' tha tak an neih theihna tura hmalakna tangkai tak a nih a beisei thu a sawi a, district dang leh state dang atanga Sawrkar hnathawka Siahaa awm te tan chhenfakawm tak a nih a beisei thu a sawi.

Vawiin meeting-ah hian District chhunga department tina thawkte Quarter indaihlohna sawiho a ni a, department tin te chu an indaihlohna theuh vawiin tlaia thehlut nghal tura tih an ni. Heng bakah hian General pool accommodation tur hmunhma ngaituahho nghal a ni a, DC
Complex chu remchang bera ngaih a nih avangin lungrual taka pawm a ni bawk. Siaha districta Mizoram Sawrkar hnuaia department tin aiawhte an kalkhawm a ni.