Zan hnih riaka Mizoram rawn tlawh, Pu Rainer Schmeidchen, Consul General, Federal Republic of Germany, Kolkata chuan vawiin tlai dar 6:30 pm khan Chief Minister Pu Lal Thanhawla chu a chenna bungalowah a hmu. Chief Minister leh Consul General te hi inkawmna hun tha tak an hmang a, duhsakna thilhlan in pe ve vein Schmeidchen hian Mizo thalai ten football an tuipui hle a ni tih a hriat thu lantir nan Chief Minister hi Football German Flag lanna pe a, Mizoram sorkar in an thleng zo anih chuan German football trainer tha tak a pek theih tur thu a hrilh a ni.

Consul General Rainer Schmeidchen hi niminah Aizawl lo thlengin,MHIP hruaitute nen inkawmin Hotel Regencyah zanriah an kilho a. Vawiin khan Bishop of Aizawl te, Mizoram Football Association hruaitute, Higher & Technical Education Director te, Chief Secretary leh Principal Secretary, PWD te alo hmu tawh bawk a ni.

Consul General hi kum 2012 khan Mizoram a rawn tlawh tawh a, tun tumah hian a nupui Dr.Annette Schmeidchen in rawn tawiawmin, naktukah Kolkataah an kir leh ang