Vawiin chawhma dar 11:30am khan Pu C.L. Ruala MP (LS) chu Model Village atana a puan Khawlailung khua ten chawimawina hun an hmang a, anmahni chawimawi nan khawlai dungah tualchhung mi kum 50 chunglam ten Pu CL Ruala MP leh a nupui hi ropui takin an zawn a, chumi hnuah Khawlailung khuaten Model Village a thlan an nih hriatrengna Lungphun hawngin Bazar Kawnah Model Village lawmna Programme hman zui nghal ani a, He Hun hi Pu Kapkima VCP Khawlailung in kaihhruaiin Pu Lalengzauva Vice President Khawlailung Village Council in inlawmna thu a sawi hnuah MHIP Khawlailung Branch ten Cheraw Lam mawi takin an entir bawk.

Thusawiin Pu C.L. Ruala MP (LS) chuan Khawlailung mipuiten englaimah a amah an phatsan ngailoh avang leh he khua in an chawimawi thin avanga a chawimawi let ve theih nan a MP Quota atanga Model Village tura a thlan thu a sawi a, Khawlailung khua chu Model Village tura thlan an nih ang ngei a Mizoram khawdang te aia kawng engkim a khaw entawntlak an lo nih theih nan leh khaw hrisel, khaw hmasawn, haw intodelh leh khaw fai, khaw nuam an lo nih theihna tura Sawrkar Department hrang hrang a Official te hnathawh lo tawimawm tha turin a fuih a, State Vigilance & Monitoring Committee Chairman a nihna ang a Central atanga Development sum lo kal hman dan thu ah a lawm loh lek lek thu te sawiin, Compensation diklo taka it na avanga ram pum ang pawha hmasawnna hnathawh pawh a kal chak tur anga a kal chak theih loh thin thu te uar takin a sawi lang tel bawk.

Bialtu MLA Pi Lalawmpuii Chawngthu, pawhin Mizoram MP in a bial chhung khua (Khawlailung) Model Village atana a thlang chu thinlung taka a lawmthu sawiin, Khawlailung khua a Fu chingtu ten “KURTAI KUT” an hmanna tura MP Fund atanga sum a ngaihtuah sak avangin lawmthu a sawi bawk.

Vawiin a Khawlailung khua in Model Village a thlangtu Pu C.L. Ruala MP (LS) an chawimawina hun hi Pi Teresy Vanlalhruaii, MCS, Project Director, DRDA Serchhip District, Pu Abhijit Vijay Chaudhary, IAS, SDO(C) N,Vanlaiphai, Pi Laltleipuii, MCS, BDO E,Lungdar RD Block,Pu Vanlalrova MCS, BDO, Serchhip RD Block leh official bakah khaw chheh vel atangin khawtlang hruaitu leh mipui thahnem takin an hmanpui a ni.