Vawiin khan Kolasib-ah ‘Global Hand Washing Day’ hman a ni a. District Bawrhsap Pu. H. Lalengmawia IAS, chu khuallian niin he hun hi a hmanpui.

Khuallian chuan keimahni theuh in kan hriselna leh faina ah mawh kan phur a ni tih he ni hian ti lang se: Vawiin a lo kalkawm ten a hun leh a hmun ah sabawn-in fai takin kut sil ila, kan chhevel a kan khawsakpui te, kan thian te, kan chhungkhat laina te faina kawnga zirtirtu, tihhmuhtu leh kawhhmuhtu atan i tang vek ang u a ti a. Faina kan damchhung daih kan nunpui a tul tawh a ni a ti bawk.

Inkhawm hi Er. F Lalsanglura Sr. EE PHE Kolasib-in a kaihhruaia, Pu F. Lalsanglura chuan he ni hi faina kawnga kan harh tharna atana buatsaih a nih thu sawi a. Kut Silna hmun 100 buatsaih niin, hetah hian School naupang, NGO leh kalkhawm ten kut silin, mi 3835 in tumkhat ah kut an sil a ni.