Vawiin chawhma dar 10:00Am khan Communication & Capacity Development Unit, Public Health Engineering Department, Mizoram buatsaihin I&PR Conference Hall, Siaha-ah ‘ Grassroot Level Training on Water Quality Monitoring & Suveillance Programme’ nei a ni.

He Programme hi Pu L. Zatluanga, Sub-Divisional Officer, Rural Watsan, Sub-Division, PHED, Siaha chuan a kaihruaia, Pu R. Lalnghakliana, Senior Chemist, Siaha District Lab. chuan Water Quality leh Laboratory hnathawh dan tlangpui a sawi a, Pu ZR. Thasangzuala, Sub-Divisional Officer, Maintainance, PHED, Siaha chuan ‘ Zokhaw tuilak chungchanga PHED hma lakna leh a enkawl zuina kawnga khawtlang mawhphurhna’ tih thupui hmangin thu sawina a nei bakah, Pu N. Beihneisa, Siaha District Lab, PHED pawhin Tui test tir pawimawhna leh tui Sample lak dan te a sawi bawk a ni.

Dr C. Hnichho, District Immunization Officer, Siaha chuan Tui, Sanitation leh Hriselna inkungkaih dan sawiin, kan hriselna a that chuan engkim neih ang kan ni a, hrisel tur chuan kan thianghlim phawt a ngai ang hian thianghlim tur chuan tui kan mamawh a ni tiin, kan tui tlan lai te hi a thianghlim leh thianghlim loh kan hriatchian a ngai a, PHED Department-ah a khat tawka test tir thin turin kalkhawmte chu a chah a ni.

Vawiin Grassroot Level Training on Water Quality Monitoring & Suveillance Programme hi Pu L. Zatluanga chuan lawmthu sawina neihin he hun hi a tihtawp a ni.

Vawiin Programme hmanna ah hian Siaha khawpui chhung leh pawn atangin Village Member leh Tlawmngai Pawl hruaitute an tel kim hle a ni.