Global Handwashing Day, 2016 ( Khawvel puma kut silfaina ni) chu vawiin ni 14.10.2016 khan Aizawl District Organising Committee huaihawtin hman a ni.

He Kut silfai ni hi PHE Rural WATSAN Division Office Complex, Laipuitlangah Sikul naupang , zirtirtu leh Office Staff engemaw zatin hman a ni a. Kut silfai programme hman anih hma hian function tawi Aizawl District Education Officer kaihhruaiin hman a ni a, DC Office atangin pu Lalhmunsanga Hnamte, Addl. DC in thuchah tawi a sawi hnuah Pu Lalsanga EE PHED in kut sil dan tur demonstration a nei a, hemi zawh hian kal khawm ten kut silfaina hun hman a ni.

Global Handwashing Day hi kum tin Ni 15 October-ah hman thin a ni a, Aizawl-ah chuan kumin hian Inrinni anih avangin Ni 14 October-ah hman a ni thung a ni. He Global handwashing Day hi Aizawl District Swachh Bharat Mission (Gramin) bul tumin DC Office, Education Department leh PHED ten an buatsaih a ni. Kut silfai hi natna hrik laka in~venna pawimawh ber te zing a mi a ni a, mithiamte sawi dan chuan ei leh in tur siam dawn te, ei zawh te, inthiar zawh leh damlo kut leh thil bawlhlawh khawih zawh te hian kan kut chu Sahbawn nen ngei Second 20 tal kan sil thin tur a ni a, tui thianghlim takin kan tleuh fai leh ziah thin tur a ni. Hei hian natna tarn tak lakah min veng thei a ni.

Kumin atana thupui (theme) chu ‘Make Hard Washing a Habit’ (Kut silfai hi chin thanah nei rawh) tih a ni.