Vawiin nileng khan Minister Pu Lalsawta hovin Secretariat Administration Department Conference Hall-ah a Department enkawl pali Finance,Planning & Programme Implementation, Law & Judicial leh Taxation Consultative Committee an thukhawm a, Consultative Committee member te hi Pu K.S. Thanga, Parliamentary Secretary, Pu PC Zoram Sangliana, MLA, Pu Lalrobiaka, MLA, Pu T.Sangkunga, MLA, Pu K. Sangthuama, MLA, Pu Lalthanliana, MLA leh Pu Lalruatkima, MLA te an ni a, Finance Commissioner Pi L.N. Tochhawng chu Member-Secretary a ni.

Vawiin thutkhawm ah hian Directorate of Accounts & Treasuries leh Institutional Finance & State Lottery hnathawh thlirho a ni a, Planning & Programme Implementation Department-in official data leh statistics dik leh rin tlak a neih theih na tura hma a lak chungchang te sawiho niin Registration of Births & Deaths ah phei chuan India rama ti tha ber an nih mek thu tarlan a ni. Science & Technology Directorate tihchangtlun chhoh zel anih dan te leh hmalak chhunzawm dan tur te pawh sawiho niin Directorate of Science & Technology Department Office New Capital-a sak mek chu zawhfel anih tep tawh thu sawilan a nih bakah Innovation Hub building Science Centre, Beraw Tlang Aizawl-ah sak mek anih thu leh Digital Planetarium, Lunglei-a sakna tur sum pawh a awm vek tawh thu tarlan a ni a, New Economic Development Policy chungchang report Consultative Committee hma ah pek a ni bawk. Heng bakah hian Lok Ayukta din tura hma lak dan thlirho niin Taxation department hnuai ah 100% computerisation of tax administration tihhlawhtlinna tura hmalak dan te, department thawktu indaihlohna te leh a phuhruk dan tur chungchang te, Goods & Services Tax chungchangte sawia ngaihtuah ho ani bawk.