Project Pushpak chuan February ni 25, 2017 hian an Golden Jubilee lawmna denchhen in AR Ground-ah 5km Intlansiak (Run) a buatsaih dawn a, zing dar 7 - ah Mizoram Chief Minister in Golden Jubilee Run hi a vai liam ang. 

He intlansiakna ah hian tu pawh tel theih niin, thalaite leh ex-servicemen te a bik takin sawm an ni. Inelna hi category 6 ah neih a ni dawn a, chungte chu – Mipa (kum 18 chin chunglam), Hmeichhia (kum 18 chin chunglam), Mipa Naupang (kum 13 – kum 18), Hmeichhe Naupang (kum 13- kum 18), Naupang (kum 13 chin hnuailam) leh Veterans/Sipai bang (Ex-Servicemen) te an ni. Category tin ah pakhatna cheng 3000, pahnihna cheng 2000 leh pathumna cheng 1000 pek tur niin, Consolation prize cheng 500 sem a ni  ang a. Project Pushpak Golden Jubilee Run-a tel tur zawng zawng te chu AR Ground zing dar 6 ah thlen kim vek tawh tur a ni a, lukhum leh eitur tuihnai tak pek an ni bawk ang. 

Lawmman semna hi zing dar 9-ah Mizoram Governor hovin AR Ground-ah neih a ni ang.  

Project Pushpak hi May ni 1, 1967 khan Aizawl-ah din tan a ni a, tun kum hi an kum 50-na niin ropui taka lawm  tum a ni.