Vawiin chawhnu dar 1:00Pm khan Poshan Abhiyaan (National Nutrition Mission), ICDS, Siaha Project ten Rashtriya Poshan Maah (National Nutrition Mission) an hman meka naupangte hriselna kawnga hma an sawn theih nana inzirtirna leh inhrilhhriatna atan School Based Activities Government Siaha Higher Secondary School-ah hlawhtling takin an a neih a ni.

He hun hi ICDS staff te, Line Department lam atangin PHE leh Health & Family Welfare Department aiawh te bakah Government High School Siaha school naupang thahnem tak leh Teaching Staff ten an hmanpui a ni.

Pu C. Lalnunfela, CDPO, Siaha in he programme hi kaihruaiin, Resource Person Pu Heibikliana Thangtu, District Co-ordinator, Poshan Abhiyaan, Siaha hnen atangin Nutrition chungchang thusawi ngaihthlak a ni. Pu N.T Jervis-a, SDO (M), PHE, Siaha hnen atangin Sanitation chungchang ngaihthlak a ni a. Pi Lalngilneihi, Health Worker Supervisor leh Pi Lalhriatpuii Hmar, Health Worker ten naupangte hnenah Hand Washing chungchang zirtirna an nei bawk a ni. He hun hmang tura kal khawm zawng zawngte hi Pi C. Roluahpuii, District Lead, Swasth Prerak in eiin tha ei pawimawh zia midangte hnena zirtirna pe tura thutiam (oath taking) a neihpui bawk.